Jæja...

Þá er sko kominn tími til að mata ykkur á smá fréttum...

Hann Jóhann Otti er byrjaður á leikskóla og í dag er þriðji dagurinn hans í aðlögun og svo fer hann aftur á morgun í aðlögun svo á miðvikudaginn byrjar hann frá 8:30-14:30 og verður á þessum tíma þanngað til að ég fer að vinna aftur og þá verður  hann væntanlega  frá 8-16. Aðlögunin hefur gengið rosa vel reyndar þegar ég fór með hann í morgun þá steig hann aðeins á bremsuna þegar ég var að labba með hann inn á deildina sína sem heitir Ugludeild en það var nú bara feimni í honum og ekkert annað en ég held að hann eigi eftir að fýla sig í botn þarna og fóstrunar virðast vera rosalega yndislegar. 

Hann Jotti minn er svo gott sem hættur með bleyju og það hefur bara gengið vonum framar nema hvað hann er með bleyju bara þegar hann sefur. Hann segir reyndar sjaldan þegar hann þarf að pissa en gerir það þó stundum en við höfum bara farið reglulega með hann á klósettið og hann það kemur alltaf eitthvað, hann er meira að segja það duglegur að hann pissar standandi í klósettið.  Ég er reyndar smá smeyk með allt þetta að vera ekki með bleyju núna þegar hann er að byrja á leikskóla því að þær þekkja ekkert inn á hann, en það kemur vonandi fljótt. Ég ætla allavega að vona að það verði ekki mikið af slysum þó að maður megi alltaf búast við einhverjum slysum. Jóhann Otti er annars alltaf jafn kátur en það er búið að vera soldið skondið núna undanfarna daga þá hefur hann verið á einhverju mótþróaskeiði sem lýsir sér að það má ekki hver sem er tala við hann og þá segir hann bara hátt EKKI en æj hann er svo mikið krútt og bara alger strákur en þó alltaf jafn góður við systur sína.

Emma vex og dafnar eins og henni ber að gera og var hún í skoðun fyrir nokkrum dögum síðan og fékk bara gæðastimpil á rassinn þeim leist allavega voðalega vel á hana. Hún hefur þroskast mikið og maður sér það næstum því bara frá degi til dags. Emma er farin að hjala á fullu og brosir alveg eftir pöntunum, hún heldur haus þó að það komi fyrir að hann sé soldið þungur svo veltir hún sér af maganum og yfir á bakið, ég get svo svarið fyrir það að það er stundum eins og hún vilji sitja því að þegar maður heldur á hann t.d. að þá finnst henni best að láta halda á sér uppréttri og svo er oft þegar hún liggur að ef maður strýkur á henni magann að þá er eins og hún reyni að reisa sig svið, soldið erfitt að lýsa þessu vona að þið skiljið mig.

Í gær héldum við síðbúna skírnarveislu handa henni, veislan var haldinn heima hjá tengdaforeldrum mínum sem voru svo elskuleg að lána okkur húsnæðið sitt þar sem að plássið hjá okkur er takmarkað. Veislan heppnaðist rosalega vel í alla staði, við buðum upp á rosalega góða gúllassúpu og brauð með henni og svo var það bara kaka og kaffi í eftirrétt. Takk allir sem komu í veisluna það var virkilega gaman að sjá hvað margir gátu komið og takk fyrir stelpuna

Núna er bara komið haust og brátt fer vetur að ganga í garð sem þýðir það að litli bróðir minn á afmæli næst og svo Jotti(18.okt) sem lendir á föstudegi og ég er að spá í að hafa smá pizza partý á föstudeginum ekki þetta týpíska kökupartý á sunnudegi kl 15 aðeins að breyta til.  Svo á gamla gamla moi afmæli  7.nóv og þá verður gert eitthvað skemmtilegt þó að það sé nú ekkert merkilegt en mér finnst bara gaman að gera eitthvað á afmælinu mínu þó að maður eigi ekki stórafmæli á hverju ári þá á maður nú samt afmæli, mamma og Óli litli krúsíndúllu frændi minn eiga afmæli 26.nóv og þá verður Óli 1 árs JEIJ.  Svo er mín að byrja á dansnámskeiði 16.sept sem verður 2x í viku þetta er svona freestyle hipp hopp námskeið svipað og í JSB þar sem ég var einu sinni í Jazzballet en mér hlakkar ekkert smá til þetta verður geggjað.

Jæja nú ætla ég að fara og gera eitthvað af viti hérna heima.

MUNIÐ AÐ ÞAÐ ER NÝ SKOÐUNARKÖNNUN.

Adios amigos...kveðja Erla og co.